Á limafundinum hjá Reiðarafelagnum í gjár kunngjørdi nevndin í reiðarafelagnum, at hon frásigur sær uppgávuna at samráðast við manningarfeløgini vegna limirnar.
Hetta merkir, at limunum nú stendur frítt at gera sum fragast, sum teir skriva á síni heimasíðu.
Tí bað felagið Nótaskip, aftaná fundin í gjár, manningafeløgini um fund í dag annan februar. Fundurin byrjaði klokkan 10 í hølunum hjá Fiskimannafelagnum.
Tingast var aftur og fram um viðurskifti í sáttmálanum, viðurskifti, sum vit ikki skullu koma nærri inn á her. Men fyri at nevna eitt mál hjá hvørjum parti, so ynsktu manningafeløgini at fáa flogferðir goldnar, um maður hevur verið mynstraður í ein mánað ella meir (hetta var áður tveir og ein hálvur mánaði). Hertta varð eftirlíka. Hinvegin fekk nótafelagið við í sáttmálan, at landingarútreislur skulu trekkjast frá óbýttum.
Nú kunnu nótaskipini loysa!
Skrivað varð undir nýggja sáttmálan kl. ca 16, og alt í alt, má sigast at partarnir eru hampiliga nøgdir. Fyri nótaskipini er tað gleðiligt, at skipini kunnu loysa, tí lodnufiskaríi er fyri.
Formennirnir Eyðstein, Jan og Páll í ávíkavist feløgunum Skipara- og Navigatørfelagið, Fiskimannafelagið og Maskinmeistarafelagið.
