Jupiter og Tróndur í Gøtu hava leitað eftir makreli í føroyskum sjógvi.
Jupiter og Tróndur í Gøtu, eru lidnir við sildakvotuna. Teir hava seinastu dagarnar leitað eftir makreli í føroyskum sjógvi, eystanfyri og sunnanfyri. Mikudagin vóru skipini stødd eystur úr Føroyum og í gjár vóru tey stødd suður úr Suðuroynni á 60,4N, men skipini funnu ikki makrel.
Sigast skal at veðrið var ikki av tí besta og tað hevur vanliga eina ávirkan á makrelin, soleiðis at hann ikki er lættur at síggja í tólunum.
Jupiter liggur í Fuglafirði, og Tróndur í Gøtu liggur við oljubryggjuna hjá Runavíkar havn.
