Makrelskipini royna øll norðanfyri, tey norðastu eru á 64N og 8V.
Jupiter, sum landaði 1000 tons í Kollafirði hetta vikuskifti sum fór, og Tróndur í Götu hava partrolað og pumpa veiðuna í Saksaberg. Bæði hálini lógu um 250 tons og støddin er góð, millum 440 og 460 gram í miðal.
Saksaberg verður inni á Kollafirði við teimum u.l. 500 tonsunum á midnátt.
Fiskiskapurin hevur annars verið eitt sindur slakur, men nú er veðrið batnandi, og tá plagar fiskiskapurin at blíva betri.
