Tíðindaskriv frá Havstovuni
Makrelkanningar í føroyskum øki við Finni Fríða
Nógvur makrelur leitar sær føði í føroyskum øki hesa tíðina.
Kanningarnar við Finni Fríða í juli mánað vístu, at makrelur er at finna víða um í føroyskum øki.
Kanningin varð skipað sum ein yvirlitstroling við flótitroli, har tóvað varð í ein tíma í vatnskorpuni
fyri hvønn 60. fjórðing, ið siglt varð. Veiða av makreli og sild pr. fjórðing hálað vísir, at makrelur
var fingin í nærum hvørjum háli. Nakað av sild var blandað við makrelinum í kaldara partinum av
havøkinum norðanfyri. Tað tykist sum um nøgdin av makreli er rættiliga stór, tá hugsað verður um
nøgdina pr. fjórðing við hesum lítla trolinum (Vónin 640 m).
Makrelurin er nakað størri í føroyskum og íslendskum øki er enn eystur móti norska markinum.
Meginparturin av makrelinum, ið leitar sær føði um summarið í føroyskum øki, var millum 3-5 ár.
Føðin er fyri tað mesta reyðæti.
Kanningin er skipað sum felags kanning, har Føroyar luttaka saman við Íslandi og Noregi. Hini
skipini hava kannað økini longur vesturi og norðuri. Ein frágreiðing, har tølini frá øllum luttakandi
skipunum eru við, verður gjørd síðst í august mánað, tá allar kanningarnar eru lidnar.
Jan Arge Jacobsen
Havstovan
10. august 2010
Veiða (kg) av makreli (grønir litir) og sild (reyður litir) pr. fjórðing í hvørjum háli. Støddin á
sirklunum vísir samlaðu veiðuna pr. fjórðing. Finnur Fríði 8-23/7 2010.
