Tróndur í Gøtu kom á Kollafjørð í nátt við 500 tonsum av makreli, sum teir landa til Faroe Pelagic. Tróndur hevur trolað saman við Jupiter, teir hava roynt eystur ímóti markinum á 63N og 1V, har eisini hini føroysku skipini royna, har eru Jupiter, Fagraberg, Finnur Fríði og Høgaberg sum er heldur norðari á.
Fiskiskapurin er heldur minni nú, men makrelkvotan hjá teimum flestu skipunum er eisini við at verða uppfiskað.
